Visitar Occitania

Descobrir un país "lingüistic", Occitania, present suu 4 regions bèras de França (region Navèra Aquitània, Occitanie-Pyrénées Méditerranée, Provence-Aups-Còsta d'Azur e Auvèrnha-Ròse Aups), en Italia (Las valadas occitanas en Piemont) e en Espanha (La Val d'Aran en Catalonha) que sia dens la lenga o preus curiós de la nosta cultura, qu'es, ara, ua necessitat.

Alavètz, perqué ne pas descobrir e har miélher conéisher a la familha, aus amics, au monde, las soas particularitats.

en français
ici

L'Institut d'Estudis Occitans, en desvolopar la marca de territòri Òc Occitania, e las soas 4 declinasons (torime, lenga, economia, cultura), que pensé tre la debuta a l'importància deu desvolopament deu torisme per e en occitan, a la soa visibilitat, a la soa quite existéncia. E tot aquò dens un anar globau, qui permeti d'integrar e d'avalorar las iniciativas locaus e e nutilizar, se hè hrèita, los apèrs numerics.

Mei d'ua accion que son previstas suu camin long e, qu'ac esperam, non solitari, que l'IEO e vienem de préner. Totas las energias, las bonas volontats, que son las planvengudas endé rejúnher la dinamica.

Que podètz donc trobar dens las jos-rubricas d'aqueste repertòri :

- la mapa occitan de las visitas (aquesta mapa que remanda a cada visita especifica)

- ua presentacion corteta deus guidas e/o de las associacions implicadas

- un metòde d'utilizacion deus audio-guides

- los librets toristics o autes documents qui poden completar las visitas

Institut d'Études Occitanes

© 2020 per IEO

  • Facebook Social Icon
  • Twitter Social Icon