Sant Guilhem dau Desèrt

Seretz acompanhat per Josèp Jaudon, lo Profèta, locutor naturau e " Sautaròcs "

(abitant de Sant Guilhem) de totjorn e d’unes de la còla dau cercle Max Roqueta e

de la corala occitana de Sant Guilhem.

Per de grops e sus rendètz-vos.

cercle.occitan.max.roqueta@gmail.com

06 65 17 40 85

en français

ici

Visita dau vilatge de Sant Guilhem
en occitan

De l'Istòria a las istorietas, de Max Roqueta a Francés Deseuse, l'Escoutaire, que marquèron lo luòc de sas plumas occitanas, un autre Sant Guilhem, lo vertadièr, que gaire de mond conoisson. Passejada dins lo vilatge, la visita s’acaba dins l’abadiá e dins la clastre.

Dins la parladura de l'endrech.

Durada 2 bonas oras – Sens ges de dificultat mas caminada dins un vilatjòt penjalut.

Dins las piadas de Max Roqueta
Lo Mas de l’Estanhòl – La garriga - Sant Guilhem dau Desèrt
en occitan

"Es au pè d'aquel ròc que vegère enfin l'ostau, lo Mas de l'Estanhòl. Èra una batissa antica, pesuga, amb d'ancolas, bassas e arrapadas; una parabanda cubèrta en subre d'un pòrge roman; e dins aquel luòc desèrt, sens ges de camin tan copat dau mond coma s'èra en plen Tibet, aquel curiós ostau virava au solelh una fenèstra amb crotz de pèira de pur estil Renaissença."

Max Roqueta, Verd Paradís II, Cendre mòrta, A Tots, IEO, 1974

Vos propausam de nos acompanhar per una escorreguda dins las piadas dau doctor Roqueta que venguèron sonar, un còp èra, per un malaut dins un mas perdut.

Rapalhon d’una d'ora, descobèrta dau mas e lectio roquetiana de la novèla Cendre mòrta, puòi caminada dusca a Sant-Guilhem, mai o mens planièira. Descobèrta de la garriga, de la bauma de l’olivièr, d’un mitan naturau que parla la lenga d’òc.

 

Per caminaires pro en santat.

Comptar en tot 4 oras de marcha per de dralhòus de garriga.

De preveire de se decatlonizar un pauqueton, solièrs montats, biaça d'esquina, gordeta e gordassa tot çò que cau. Portam totjorn un tira-tap en cas...

Institut d'Études Occitanes

© 2020 per IEO

  • Facebook Social Icon
  • Twitter Social Icon